" सुपर पिंक मून "

 "  सुपर पिंक मून "

 आज  दि. 26/04/2021 वार मंगळवार आकाशात एक विलोभनीय घटना पाहायला मिळणार आहे.

यंदाची चैत्र पोर्णिमा ही सुपर मून पोर्णिमा असून वर्षातील पहिली सुपर मून पोर्णिमा असेल. 

यावेळी चंद्र १०  टक्के मोठा व ३० टक्के तेजस्वी दिसेल. सुपर मून चे वैशिष्ट्य म्हणजे पोर्णिमा २७ तारखेला असेली तरी २६ ते २८  असे ३ दिवस चंद्र जवळजवळ पूर्ण दिसेल. चंद्र व पृथ्वी मधील अंतर ३,५८,६१५. कि.मी. असेल अशी माहिती खगोल अभ्यासक आणि स्काय वॉच ग्रुपचे अध्यक्ष प्रा. सुरेश चोपणे यांनी दिली. प्रत्येक वर्षी सुपर मून च्या वेळेस चंद्र आणि पृथ्वी मधील अंतर कमी,अधिक होत असते. चंद्र आणि पृथ्वी यांच्यातील हे कमीतकमी अंतर ३,५६,५००. कि.मी. तर दूरचे अंतर  ४,०६,७००. कि.मी. असते. यंदा हे सर्वात कमी अंतर २६. मे २०२१. रोजी असेल. 

२६ जानेवारी १८४८ रोजी चंद्र पृथ्वीच्या सर्वाधिक जवळ होता. 

नोव्हेंबर २०१६ ला तो पृथ्वीच्या खूप जवळ आला. २७ एप्रिल आणि २६ मे रोजी होणारे सुपर मून हेही खूप कमी अंतराचे असतील. 

२७ एप्रिल आणि २६ मे २०२१ हे दोन जुळे सुपर मून आहेत. दोन्ही वेळेस चंद्र आणि पृथ्वी मधील अंतरात केवळ १५७. कि.मी. चा फरक असेल.